رضا الشويخي:
رمضان شهر الخير وسط أي ظروف، وكلنا بنحب الخير والإكرام سواء لضيوفنا أو للغير، وأبسط حاجة طبق الحلو أو العصائر، وهنا هنقدم لك فكرة علشان تعملي عصير فريش بأقل التكاليف.
تقدري تشتري الجوافة والفراولة وغيرها من فواكه الموسم وفي خطوات بسيطة هنقولك “مريم” عملت إيه علشان تبقى جاهزة بسهولة:
1- اشترت الجوافة وغسلتها كويس ونشفتها وقطعت حلقات الفراولة وغسلتها كويس جدا علشان تتخلص من الرملة وغيرها.
2- خزنت الفواكه مع بنجر مسلوق في كمية صغيرة مياه بسكر عشان نشرب أحلى عصير فريش في رمضان.
3- تقدري تجيبي التشكيلة اللي بتحبيها من الفواكه علشان توفري الوقت، سواء بطيخ، برتقال، موز، وغيرهم.. وتجهزي أحلى خلطات.
4- احفظي خلطاتك في أكياس “أيكيا” أو أي أكياس لها قفل مناسب، ولو زارك ضيوف فجأة تخرجي أي نوع من العصائر وفي الخلاط ويبقي أجمل عصير لذيذ.
