كتب: رضا الشويخي/
لو محتار تخرج فين “كلمتنا” بترشح لك “متحف الحضارة المصرية” لأسباب كتير، أهمها إن المتحف من أهم وأكبر متاحف الآثار في العالم، وهو أول متحف يتم تخصيصه لمجمل الحضارة المصرية؛ وبه أكثر من ٥٠ ألف قطعة أثرية عن تطور الحضارة منذ أقدم العصور حتى العصر الحديث وتذكرته سعرها بسيط جدا، ومواعيد العمل من 9 صباحا حتى 4 مساء.
المتحف القومي للحضارة المصرية في قلب مدينة الفسطاط التاريخية بمنطقة مصر القديمة بالقاهرة، بالقرب من حصن بابليون ويطل على عين الصيرة “التي كانت مقلب قمامة، وتم تطويرها”
المتحف اتأسس سنة 2002، ويضم أهم إنجازات الحضارة المصرية عن المجتمع، والثقافة، والمعتقدات والأفكار، بالإضافة إلى معرض المومياوات الملكية.
المعرض تقدر توصل له من محطة مترو مارجرجس أو النقل العام، ولو بعربيتك هتلاقي الموقع هنا:
الموقع على خرائط جوجل: https://goo.gl/maps/2rs21Hee7a92
أسعار تذاكر الدخول:
■ مصري ١٠ جم
■ طالب مصري ٥ جم
■ أجنبي ٦٠ جم
■ طالب أجنبي ٣٠ جم
■ التصوير الفوتوغرافي ٥٠ جم
■ يوجد جراج للسيارات والأتوبيسات
الموقع الإلكتروني للمتحف: http://nmec.gov.eg/
صفحة الفيس بوك الرسمية: https://www.facebook.com/nmec.gov.eg/
