مع دخول فصل الصيف بيبدأ الشباب في التركيز مرة تانية على التمارين والنزول لصالات الجيم، لمحاولة الوصول لـ “فورمة الساحل” زي ما بيسميها عدد كبير منهم.
وعلى الجانب التاني في شباب أصبحت الرياضة و “اللياق البدنية” عندهم أسلوب حياة ، وسواء كنت من الفئة الأولى أو التانية فأكيد مع كل تمرين بيظهر سؤال مهم “هنتغدى إيه النهاردة علشان نحافظ على مجهودنا؟”.
وفي طبق اليوم بتقدملك ” كلمتنا” وجبة متكاملة العناصر من البروتين والكارب والدهون، وهي ” الدجاج المشوي بالليمون والذرة والفاصوليا بالزبدة”
طريقة عمل الطبق بسيطة وهي :
في جرلة وسط نقلب صدر دجاجة كامل مع معلقة كبيرة صلصلة حارة ومعلقة حلوة، ومجموعة توابل من ملح وفلفل وشرائح من الليمون الفريش، ويترك علي نار هادية حتى يصبح طري وعصاري.
أما الجزء الثاني فهي الفاصوليا الخضراء، وبيتم طهيها على البخار ثم تقليبها مع معلقة زبدة صغيرة، والفاصوليا هنا بديل أفضل من البطاطس المهروسة وأقل في السعرات الحرارية، وأخيرا نقدم معاهم ذرة مشوية واللي يتضيف مذاق مقرمش وقيمة غذائية للوجبة ككل.
