همسة السيد
في زمن الكورنا اختلف رمضان عن السنين اللي فاتت، وعدى ما بين الحجر المنزلي والشغل الأون لاين، ولو كنت من اللي بيحبوا خروجة الصحاب أول يوم رمضان، او حتى تعزم أهلك برا البيت، فننصحك بمجمع لأشهر المطاعم العالمية، بالتجمع الخامس، واللي بدأ في التحضيرات لاستقبال الشهر الكريم مع الالتزام بالاجراءات الاحترازية وفقًا لنصائح الصحة العالمية.
يعتبر city walk strip من المجمعات اللى بدأت في التحضيرات، و بيضم المكان أكتر من عشرين براند عالمية لأشهر المطاعم على مستوى العالم.
والمكان مهتم بمحبين التصوير فعمل على توفير زوايا تصويرية مختلفة ومميزة من زينة رمضان.
اتميز كمان إنه اشتغل على زينة (الخيامية) اللي اشتهرت بشده قبل أوان الكورونا والحجر، ونظرًا للظروف اللي منعت أغلب الشباب إنهم يعيشوا أجواء رمضان وسط الخيامية، المجمع اشتغل عليها بشكل مميز وجذاب.
ويشمل المكان أجواء مناسبة للفطار والتحلية ما بعد الفطار ولحد السحور، مثلا بعد الفطار توفر الكافيهات الحلويات الشرقية الرمضانية، وكذلك السحور.
وللتسلية والمتعة المكان بيوفر بلايستشن، وفي قعدات شبابية منفصلة للبنات والولاد، أما عن الاطفال فأنسب مكان هي الكيدز زوون.
وتم أخذ كل الاحتياطات الأمنية من توفير زجاجات الكحل على كل طاولة، استخدام الملاعق البلاستيكية لتجنب نقل العدوى قدر الامكان.
وتقدر تحتفل برمضان مع أهلك وأصدقائك ونقضي الأجواء الرمضانية في ظل زمن الكورونا.
